హీరో అండర్ కవర్ కాప్..పోకిరి. హీరో పోలీస్ ఇన్ ఫార్మర్..ఇడియట్! పోకిరి లో అండర్ కవర్ కాప్ గా అదరగొట్టిన పండుగాడు, పోలీస్ ఇన్ ఫార్మర్ గా ‘దూకుడు’ ప్రదర్శించడానికి రాబోతున్నాడు. మహేష్ ని పోలీస్ ఇన్ ఫార్మర్ గా చూపిస్తున్న శ్రీనువైట్ల చిత్రం ‘దూకుడు’ జూన్ రిలీజ్ కి దూకుడుగా షూటింగ్ జరుపుకుంటోంది.
సమ్మర్ లో రిలీజ్ కావాల్సిన ఈ చిత్రం అనివార్య కారణాల వల్ల ఆలస్యమై లేట్ సమ్మర్ కి వాయిదా పడింది. ప్రస్తుతం ఏకధాటిగా షూటింగ్ జరుపుకుంటున్న ఈ చిత్రం మే మూడో వారంకల్లా పూర్తవుతుందని తెలిసింది. మహేష్ ని ఇంతదాకా ఎవరూ చూపించని విధంగా వైవిధ్యభరిత పాత్రలో శ్రీను వైట్ల ‘దూకుడు’ చేస్తున్నాడట. ఖలేజాలో వెరైటీ మాడ్యులేషన్ తో ఎంటర్ టైన్ చేసిన ప్రిన్స్ ఈసారి శ్రీను వైట్ల మార్క్ కామెడీతో కడుపుబ్బా నవ్విస్తాడట.
సమంత హీరోయిన్ గా నటిస్తున్న ఈ చిత్రం ఈ నెల 22 నుండి ముంబాయ్ లో షూటింగ్ జరుపుకుంటున్న యూనిట్ అక్కడ కొన్ని సన్నివేశాలు, ఓ పాట చిత్రీకరిస్తారు. టర్కీ, దుబాయ్, గుజరాత్ లలో ఎక్కువ భాగం జరుపుకున్న ఈ చిత్రాన్ని జూన్ లో రిలీజ్ చేయడానికి సన్నాహాలు చేస్తున్నారు. ఈ సినిమా నిర్మాతలుగా గోపీచంద్ ఆచంట, రామ్ ఆచంట, అనిల్ సుంకర లు 14 రీల్స్‌ ఎంటర్‌టైన్‌మెంట్స్‌ పతాకంపై రూపొందిస్తున్నారు. ఈ చిత్రానికి తమన్ సంగీతాన్ని అందిస్తున్నారు
0 comments:
కామెంట్‌ను పోస్ట్ చేయండి